【廣州】 Miss Kwok & Mr Tang

 

【廣州】 Miss Kwok & Mr Tang

2019 |  Guangzhou Pre-wedding

成條team 加埋有7,8 人分別協助我地唔同需要,話係皇帝式既服務, 一D都冇誇張

 
啱啱係s.a.wedding廣州新開既場地影完pre wedding。 真心覺得好彩揀左呢間公司好幸運, 一切進行得比想像中順利超多。
 
當初我同T 先生都係比較怕麻煩既人。自己都冇做research 邊度影婚紗相好。 正好我best frd 同我姐姐都係o係SA 度影,之前睇過佢地D相都好靚加上佢地影完都讚不絕口,我地諗都冇諗就約左去觀塘SA 度查詢下先。
 
到左預約當日, Tramy 好細心(都陪我地揀plan 揀左成兩個鐘,辛苦晒﹗)同我地解釋左唔同地方影既優點同景, 本身我地離big day 只有兩個月,加上我有左BB, 唔想走外景太攰。睇左D廠景相後,最後決定左返廣州新廠影,因為D景真係幾grand 同埋完全唔似室內景。選擇都好多,亦都啱晒我地呢D唔想搭飛機又可以影靚相既要求。
 
由於我地比較急,Tramy 幫我地book 期加急,所以一星期後就可以出發。廣州廠比我地想像中容易到達,距離不算遠,只係由高鐵站搭的士到場地有少許塞車(可以預早少少時間)。 第一日去到揀婚紗同禮服。有兩個職員服侍我地揀衫,可以慢慢試。 試完就返酒店休息第二日一早開始影。
 
第二朝 7:30 開始化妝一直影到下午4點。整個過程非常流暢輕鬆﹗都唔覺辛苦。由於我同T 先生都唔係經常影相既人,開頭都擔心表情會生硬。
不過韓國攝影師元室長好有耐性同專業咁幫我地影到好效果。過程中當然唔少得翻譯員既細心解釋。開頭仲諗住溝通會有困難, 結果完全冇問題。 除了化妝師外我還有另外兩名助手全程照顧,T 先生就有一個。 成條team 加埋有7,8 人分別協助我地唔同需要,話係皇帝式既服務, 一D都冇誇張。 之前網上見有其他pre wedding D攝影師有時會唔耐煩或者催新人,我地o個個就絕對係有耐性同細心,由頭到尾成team 人都好友善又冇催過我地。 真係冇諗過可以輕鬆得黎又影到心滿意足! 
 
真心推薦比大家。包括我,認識既其他人都比like佢地。 性價比都好高。如果唔係有B 真係想去埋韓國影多輯相[害羞]。

_________________________________