【濟州】

相信每一位準新娘子係籌備婚禮上都會不眠不休，諗一百萬樣嘢，偏偏習慣臨急抱佛腳嘅我去到好‘炆’水嘅時候先決定到去邊度影pre-wedding 

遇上S.A.Wedding係婚展，唔會做資料蒐集嘅我係展場遊走咗幾個圈後就俾S.A.既相吸引咗，點解會決定係濟州影係因為去過一次旅行就俾呢個地方嘅景吸引住，所以當店員姐姐問想去邊度影既時候第一時間都諗濟州

店員姐姐介紹咗一年四季可以影到既景色 仲俾咗好多之前客人嘅相我地睇，仲問咗我地有冇想影d咩景？會唔會想影花海之類？ 睇完d相 好想好想影 山茶花，可惜時間太匆忙趕唔切影🥹 所以最後揀咗影繡球花🤣 我諗我由坐低到payment 都唔洗10分鐘， 當然決定完呢一切都會驚驚，始終冇做過資料蒐集，係乜都唔知既情況下都會有好多擔憂，好想讚S.A. 既Follow up 做得好好，唔會收完錢就丟低唔理你🥹 仲會俾好多reminder 驚你唔記得 

去濟州影pre-wedding 最大挑戰係天氣唔穩定，所以我地book 行程時都決定留多幾日，以防突發天氣🫠 店員姐姐一開始都有提我地最好留多幾日如果天氣真係好差都會盡量安排改到前後日子俾我哋，所以真係安心好多️

由於我係超大碼新娘，擔憂嘅一定較多，臨行前勁驚會揀唔到衫，會冇裙啱著，出嚟會好醜樣，當我收到相後，都忍唔住嘩一聲，真係靚到唔認得自己🥹🥹

係準備出發前會係WhatsApp 通知我地大約拍攝時間，俾我哋準備定，又會再次confirm我哋有冇邊d景想影

到達濟州拍攝前一日工作人員會話我地知幾點嚟接我哋去化妝揀衫

拍攝當日：因為我地要影黃昏景所以唔洗勁早起身，仲有時間食埋早餐先輕輕鬆鬆出發，我地住係濟州市內，所以翻譯姐姐會直接嚟酒店接我哋（回程仲會送我哋返酒店），翻譯姐姐仲會準備定水俾我哋️ 天公做美，我地到濟州當日係勁大風大雨🥲 到拍攝當日係超級無敵好天，藍天白雲 呢一切要全靠我哋嘅攝影師，全靠佢揀咗呢一日我哋先可以係好天氣下影到呢輯咁靚嘅相🥹

我哋到達化妝室時，店員已經準備好接待我哋，冇諗過現場有咁多衫揀 我呢d大大份既新娘都揀到自己心水🤣 所以由揀衫化妝所有嘢都好順暢，完全冇over run 

化妝室室長仲會問定有冇想點化，好尊重個人意願🥹 

出發去攝影地點，全程坐車點對點，仲有個小助手全程跟貼勁細心，當日拍攝係靠哂小助手，補妝/轉髮型/換衫/換鞋 小助手全程都會陪住我️ 

見到攝影師哥哥，佢係一個超級好人，一開始都會傾下計叫我地放鬆d 仲教我地點樣擺pose ，好有耐性🤣 唔明白既時候仲會做一次個pose 俾我哋睇 所以我哋全程拍攝係充滿笑聲

經歷完pre-wedding 身邊朋友都會問係咪好辛苦好攰，只可以話 我冇諗過成件事係咁輕鬆咁開心，一d攰嘅感覺都冇

當日拍攝完攝影師都會同我哋講大概幾時會收到相，所以我地都好期待收到相️ 收到相既時候好感動因為d相太靚要揀都好難 

所以如果好似我咁佛系S.A. Wedding 真係首選

無論香港員工 到 濟州工作人員每一位都好細心好好服務，有求必應️ 嚟緊想影一輯山茶花都會繼續搵S.A. Wedding🫶