【濟州】

       由預訂到出發前，都收到好多email有注意事項同埋wts溝通，基本上冇咩需要特別預備。到步當日翻譯jessica已同我哋聯絡，第日都好順利到達studio 。Studio化妝方面都好滿意，妝感清新粉嫩，好多婚紗/西裝可以揀，助手預備咗幾束花束去影，好感謝佢地幫我set到好靚地出發。

       本身冇預料到有雪景可以影，但攝影師知道漢拏山仲有雪未融就提議我地去影埋，雪白茫茫加上日光效果影出黎好靚。之後去影既山茶花系我最想影既花景，披上白紗影出黎好浪漫，攝影師同埋jessic一直同我地有講有笑，所以表情好自然亦都捕捉到可愛既一面。仲有影到繡球花、油菜花同埋橘子園，每個景都有影得好靚既相。

       徬晚我地去咗芒草園，1月份實地太凍&大風，助手同Jessica 都好take care我地，影完1 part就即刻披外套俾我地。原本擔心啲風吹到我地表情僵硬吾靚，但攝影師角度影得好好同埋指導我地pose，仲影咗幾張好似幅畫咁有氛圍既相，完全吾洗擔心。

到海邊既時候，助手好快速地幫我換咗髮型，趕上日落黃昏 。攝影師預備埋仙女棒俾我地玩，又叫我地擺埋想影既pose，jessica 一直亦都幫我地影側拍，令到成日既行程更加美滿完美！

        當日天氣寒冷大家都好辛苦，再次感謝攝影師、翻譯jessica 、化妝師同埋助手，我地影得好開心，好喜歡同埋滿意每一張相！