【濟州】Ka Nam & Ka Chun

我同男朋友係求婚後嘅第一個婚展已經target左SA WEDDING，因為之前一路有睇開佢地嘅相都覺得唔

錯，好岩我地嘅STYLE，所以我地一去婚展場地完全冇睇過其他，見到SA個BOOTH就坐低左。

 

接待我地既係SUKITNA，好敢言嘅一個女仔，同我地好岩KEY，我地講我地想影嘅風格，佢會搵好多

SAMPLE比我地參考，前後傾左兩個幾鐘，我地就決定JOIN SA WEDDING既濟洲PACKAGE。

 

佢地真係好有效率，好快就開左whatsapp group，仲叫我地諗到有咩問題可以隨時問因為知道好似我地

咁既準新人一定好多問題想問，試過係好夜問都可以好快覆到,我有問佢係咪唔使訓既？HAHAHA。

 

第一次上去揀PREWEDDING婚紗嘅時候都係SUKITNA接待我地，但嗰度嘅婚紗真係令人花多眼亂，不

過佢地嘅婚紗的確係好韓，正正係我地想要嘅嘢^V^ 我係一個有選擇困難症嘅人，相信好多準新娘都會同我

一樣，成日都有決定唔到嘅時候因為女仔嘛哈哈﹗﹗但SUKITNA會比佢嘅專業意見我哋參考，會比時間我地諗，

完全唔會催促我哋，呢下真係好值得欣賞，好配合到我哋嘅節奏。

經過一輪掙扎，好慶幸我終於揀到三件輕婚紗FOR PREWEDDING喇，愈睇會愈鐘意^.^

 

有一樣嘢真係值得欣賞，就係可以FINAL FIT試好晒岩晒SIZE先拎過去韓國嗰邊真係幾好，起碼一定岩著，

唔怕唔岩同埋款又已經定好晒咁，可以慳番揀衫揀款嘅時間。

好快就到左拍攝嗰日，前一晚我地都好好早訓，敷好MASK，所以都好精神，雖然出面天氣的確好凍HAHAHA。

負責我哋嘅攝影師係南山，翻譯小姐係KAREN，兩位都係好搞笑好FUNNY嘅人，咁我地揀3月尾4月頭

影都係想影櫻花，但不似預期，今年d花冇咁早開，唔係冇開但未完成開晒咁，我地初初見到都覺得有少少

失望，但好在我地偉大既攝影師 – 南山識得捕捉角度，又走上走落咁，同埋因為攝影師擔當埋司機既關係，

當佢見到岩影既地方佢就會停低然後教我地擺pose，初初我地好緊張所以表情有d生硬，但翻譯Karen

好好呀，成日引我地笑，”大笑﹗微笑﹗”咁樣﹒﹒﹒成個氣氛好開心，同埋Karen都好細心，因為3月

尾嘅濟洲都仲係好凍，我地有影到海邊嘅場景，佢就比左佢件外套我著-0-真心感動左我地，真係

一個好為客人設想嘅翻譯^.^本身完成拍攝後想請佢地食飯以作答謝，但係南山又要趕飛機去日本進行拍攝,可惜呀/.\

雖然未有修圖後嘅相，但收到幾張預修圖都已經覺得好靚成個FEEL出左黎>V<所以好期待成品呀﹗﹗﹗多謝SA上上

下下既工作團隊，特別係Sukitna，攝影師南山，翻譯Karen，wish you all the best and have a bright future 。