【韓國】Jessica & Mr Kam

 

【韓國】 Jessica & Mr Kam 

2019 | Korea Pre-wedding

感謝SA wedding 既專業服務令我地有一個好順利好開心嘅Pre-wedding之旅 

 
好多朋友都去韓國影pre-wedding既都係揀SA,而且佢地啲相又影得靚又有韓feel,所以早前去婚展個時就一心訂左SA
 
係婚展落訂當日接待我地既同時就好用心講解佢地當時做緊既plan同埋流程,而且比左好多唔同studio嘅相比我地慢慢揀。當中我地都有擔心韓式嘅studio會比較少outdoor,但我地除左studio景都想有d outdoor花花草草影下。係了解左我地想要咩之後,同事介紹左studio 213比我地,仲比曬佢地嘅相我地睇。係我地心大心細嘅時候,同事都比我地日後先confirm要邊間studio,所以我地都好安心落左訂。

落左訂之後同事已經好快開左個whatsapp group比我地,等我地有咩問題可以即刻問,而且同事都覆得好快手。而係出發前幾日就收到我地嘅行程表,了解成個流程同時間。

SA員工協調同安排下我哋都正式定咗首爾嘅studio同拍攝日期。買咗機票後就即刻同SA溝通,好快佢哋就訂好到步同拍攝當日嘅schedule

終於去到首爾,一到步就聯絡當地職員,之後就有專車送我哋到SA apartment

我地就係第一日揀衫,第二日化妝影相。

SA Apartment 係首爾站隔離非常方便,仲有手信聖地Lotte Mart。附近行咗陣就去meet up我地當日既翻譯同出發揀衫。揀衫過程中,翻譯同店長都比左唔少建議我哋。

到左影相果日,我地先去左星級化妝嗰度化妝set頭先,婚紗店的姨姨非常專業已經係化妝嗰度幫我地上埋衫,搞掂之後就去Studio

我哋所揀嘅studio比教偏遠,搭咗好耐車先去到。去到Studio,攝影師就俾我哋睇相簿,睇吓有冇咩心水場景。攝影師有解釋某啲場景係有用電腦合成,如果介意就唔好揀呢個場景,準備好後就係不同場景影影影。唔同場景期間,婚紗店的姨姨會幫手轉髮型、換衫、加減道具。翻譯期間都不停幫手同攝影師溝通,佢仲比到好多好好既意見我地,翻譯仲幫我哋用手機影咗啲花絮等我哋可以早啲send相分享俾屋企人同朋友。由晏晝三點點影到夜晚差唔多七點,有室內室外影呢個studio (亦係我地揀佢既原因),雖然緊張但係影得好開心。

臨走攝影師仲即刻整好一張初步修圖嘅preview俾我哋做紀念,效果我哋都好滿意。

隔左一星期左右我地已經收到相啦!揀咗相之後就大相8星期到睇咗修圖成果。當中有部份效果唔太理想,但非常感激SA員工幫我哋同studio溝通,過程中SA員工的回覆非常有效率。好快我哋都收到二次修圖的作品,宜家就等最後嘅製成品喇。

感謝SA wedding 既專業服務令我地有一個好順利好開心嘅Pre-wedding之旅。

_________________________________