【韓國】Ms Lam & Mr Lee
“好慶幸我地當時做左一個好正確嘅決定選擇左s.a 去影我地pre-wedding”
係揀pre-wedding 嘅時候我地一開始都好苦惱，無從入手唔知揀邊一間好，所以我地就去左婚展搜集一下資料，睇
係揀pre-wedding 嘅時候我地一開始都好苦惱，無從入手唔知揀邊一間好，所以我地就去左婚展搜集一下資料，睇
下有邊間pre-wedding 公司岩心水。去到婚展當日我地留意到s.a wedding 呢間公司坐滿哂查詢嘅人，所以就引起左
我地嘅注意想行埋去睇下。坐抵左之後職員都好親切咁拎左好多唔同嘅相薄比我地參考下，我地想睇咩類型 嘅相職
員都好盡力去搵比我地睇同比左好多唔同嘅意見我地。而係果次查詢入面我地都睇左好多間唔同風格studio 嘅相，
而其中一間我地其實都幾滿意，果間就係studio 212。然而我地當時係抱住一個睇多幾間先嘅心態，所以當時都冇即日落決定。
不過係果次之後，s.a wedding 已經比左一個好好嘅印象比我地，因為佢地唔會去勉強客人一定要揀佢地，同埋唔會好
似其他公司咁去hard sell客人，佢地真係會了解我地想要嘅風格去盡量幫我地去選擇一間studio。 一直以黎，林小姐一
直都中意韓風簡約嘅婚照，係比較過其他pre-wedding公司之後發覺其他公司嘅風格都比唔到一種心動嘅感覺比我地，
而且其他公司比我地嘅態度係一種純粹想做生意同hard sell你嘅感覺，呢一樣野完全有別於s.a wedding。
所以係一個月後嘅另一次婚展入面，我地就二話不說，馬上去左s.a wedding嘅展區到報名。
我地平日嘅工作都十分繁複同疲累，s.a wedding 佢地提供嘅一站式服務令我地係pre wedding 方面唔會有任
何嘅憂心同顧慮。之前都估唔到佢地嘅一站式服務係咁貼心同完善，由機場嘅接送，韓國嘅住宿，
試衫化妝以及拍攝嘅時間行程，s.a wedding 都幫我哋安排得好妥當同完善，之前從來都冇諗過係完全
唔洗我地自己安排任何野，我地只需要帶自己個人過去就可以。去到韓國嘅時候，
我地大為驚訝，因為估唔到s.a 提供比我地住宿嘅apartment 會係咁大間同位置係咁方便，
佢正正係正首爾站旁邊，交通超級便利，而且對面就已經係Lotte 超市，正正岩哂我地可以
晚晚過對面shopping 買買買！由於我哋係喺婚展報名，所以s.a 仲額外送多左一
晚住宿俾我哋一共五日四夜，係影pre-wedding嘅同時亦可當作係我地嘅一個韓國小旅行。
係影相前一日，s.a安排左專車同翻譯姐姐接我地去揀衫同試婚紗，婚沙店負責人首先會問我地中意邊
一類型嘅婚沙，然後再按照我地個人嘅氣質去比意見我地。我地當日好興奮同緊張，哈哈，畢竟係人生第一次著婚紗。
婚紗店負責人拎左好多套好靚嘅衫比我地試，而每套婚紗都會有啲相應嘅配件係影相嘅時候更換，
令到效果再煥然一新，就好似換左另一套婚紗一樣。最後憑住佢地嘅專業意見，我地好快就揀到自己滿意嘅婚紗。
到左影相當日，s.a亦都安排左專車接我地去一間專業嘅化妝師公司幫我地首先化妝同set頭。而化妝公
司嘅職員都好專業同友善，佢哋會根據你嘅面形，氣質同我哋討論應該點set同點化先係最適合我哋，
負責人仲親自落場幫手同比意見我哋。最後個頭同妝都化到好靚同好自然，化完之後我都忍唔住即刻影咗
幾張相。個妝望落唔會好浮誇同好濃，比人一種清新自然嘅感覺。呢一點我係最滿意。化完妝set
好頭之後我地就同婚紗店嘅阿姨會合一齊正式出發去212 studio。
到左studio之後，終於同負責幫我地影相嘅攝影師見面。有一樣野最意想不到嘅係，攝影師同我地講今日
會幫我地影哂呢間studio 有嘅所有場景，仲會同我地出去外面影埋studio附近嘅特色街景。聽到佢咁講之後，
我地喜出望外！原本以為我哋只可以揀studio 嘅部份場景影相，冇諗過佢會幫我地影哂，而且仲可以
出去外面影埋我地一直以為冇嘅外景，呢個係我哋最意想不到。佢同我地講今日我哋只有
一個最主要嘅任務，就係開心咁笑。
起初我地都擔心一個問題就係我哋平時冇咩影開相，所以係擺pose方面我地完全係一竅不通。
但原來我哋嘅擔心係多餘，攝影師係會好仔細咁教埋我地應該點樣擺pose，大致表情應該要點，
小致連一隻手指點放都幫我地諗好哂。望住攝影師扮新郎擺pose，冇諗過會係咁好睇有型，
我哋甚至覺得攝影師擺pose個時型到可以去做Model。攝影師仲會扮埋新娘擺pose，成個氣氛變得好搞笑同好盞鬼。
成個影相過程歷時五個幾六個鐘，我哋從來都冇試過影咁耐相，所以有時表情都會有啲生硬同埋攰。
但攝影師，翻譯姐姐同埋婚紗店阿姨佢地都一齊帶動成個氣氛去幫我地舒緩。係個幾個鐘頭入邊，
我覺得同佢哋就好似做左朋友一樣，大家有傾有講說說笑笑。婚紗店嘅阿姨比到一種好窩心同溫暖
嘅感覺比我地。佢嘅貼心不禁令我地覺得好似媽媽一樣，幫新娘補妝換衫襯首飾，我地累嘅時候會攬
攬我地，同埋新娘頭上掉左條頭髮落黎佢都會留意到一定要幫我地整返先繼續影相。翻譯姐姐係好同聲同氣
嘅香港人，我地就好似朋友一樣去傾計，佢仲我地食自己好味嘅朱古力。
風趣嘅攝影師，媽媽一樣嘅阿姨，同朋友一樣嘅翻譯姐姐，而家諗起都有啲掛住佢地，哈哈。
有佢地三個嘅幫助，最後拍攝好順利咁完成左，離別嘅時候大家都有互相擁抱，互相握手祝大家向後嘅日
子都要幸福快樂。最近終於收到完成相，我地都嘆為觀止同好滿意，攝影師用佢嘅專業好成功咁捕捉到
我地兩個唔識擺pose同唔識做表情嘅人嘅最自然一面！好多謝s.a wedding 安排左咁好嘅人同埋咁完
美嘅服務比我地，好慶幸我地當時做左一個好正確嘅決定選擇左s.a 去影我地pre-wedding。
如果仲考慮緊揀邊間pre wedding 又睇緊我呢個分享文嘅你：哈哈，唔洗諗喇，絕對無伏，就呢間喇～
