【韓國】Ms Yeung & Mr Chu

喺第1次行婚展既時候，機緣巧合下就揀左S.A.既韓國首爾PW既package

主要原因好簡單，一站式既package包左好多items，
有接送安排、住宿安排、化妝set頭同禮服安排同埋有專人做翻譯，
所以睇完會場內各間公司唔同既package之後，我同男朋友決定揀S.A.，
去影PW之餘，順便去睇埋韓國既紅葉

講左咁耐，不如講下揀禮服嗰時係點啦，
我諗有好多人好concern會唔會喺韓國嗰邊揀唔到裙呢…

第1日到左韓國之後，我哋擺低行李之後就去左韓國當地婚紗店揀禮服，
其實店裏面有好多啱同既婚紗禮服，
最重要係同翻譯員&店員講清楚自己鐘意既款式，俾啲reference photo佢哋都得架

如果對揀禮服唔係好有concept，翻譯員&店員都會俾你試，
試完都會俾意見你，所以唔使擔心揀唔到，
最後我哋用左個半鐘頭左右揀好左：女 – 2件婚紗 1晚裝 1短婚紗； 男 – 2套西裝

第2日(攝影當日)，出發去拍攝之前一定要食個早餐，
因為咁先有力氣去擺pose同影相，哈哈

我地首先去Salon化妝Set頭，攪掂哂就去Studio準備影相

喺影相之前，同攝影師見一見面，同佢溝通下我地想影既場景，
攝影師亦都叫我地唔好咁緊張放鬆心情，
因為我哋未試過影PW，所以擺pose同表情比較生硬
但過程中，攝影師、翻譯員同幫我換衫整理衫既姨母不停鼓勵我哋，
而且等緊轉場景既時候，

攝影師亦會俾啱啱影既相比我哋睇，叫我哋加油加油，真係好窩心

雖然對我哋黎講6個鐘既拍攝時間好長，我哋都好攰，但好慶幸成個過程好順暢好開心

返到香港無幾耐，我哋就收到PW既相俾我哋揀，
對住幾百張相，真係揀左好耐，哈哈，好多謝我哋屋企人同朋友既意見

最近，終於收到執好左既相，
對比初頭未執既相，真係好大分別，無諗到執好既相會更加有氣氛，非常滿意

最後最後，感謝S.A.團隊既安排，
我哋好enjoy PW既拍攝過程，真係好期待最後的製成品