【香港】 Ashley & Andrew

 

【香港】 Ashley & Andrew

2021 | Hong Kong Pre-wedding

SA 既職員全部都好專業同熱心,我地試衫既時候可以任試唔同既款式,負責既職員會提供專業意見,話俾我地聽邊 d 款式適合我地既身形,又好有耐性,我地想試多 d 唔同既款都會幫我地

 

經朋友介紹搵左 SA Wedding 影 pre-wedding 相,SA 係一間提供一站式服務既攝影公司,package 已經包埋化妝,租衫,同埋相簿既後期製作同印刷,岩晒我依種怕麻煩既人。

 
SA 既職員全部都好專業同熱心,我地試衫既時候可以任試唔同既款式,負責既職員會提供專業意見,話俾我地聽邊 d 款式適合我地既身形,又好有耐性,我地想試多 d 唔同既款都會幫我地。到影相前兩個星期會再約我地上去 final fit, 做到 d 衫可以配合番影相前既身形。
 
到影 pre-wedding 當日,化妝師一早已經響 studio 等我地,佢化妝既時候都好細心,假眼捷毛都會慢慢逐 d 黏上去,響影相途中,會不斷留意我地既妝同髮型,發現問題會立即幫我地整。
 
由於攝影師係韓國人,影相既時候會全程有翻譯跟住,攝影師會事先問我地想要 d 咩風格,佢再諗唔同既構圖同叫我地擺唔同既 pose, 好專業。翻譯都可以清楚地將攝影師既諗法表達俾我地聽,又將我地想要既野話番俾攝影師聽。
 
影相之前都有驚會因為緊張而令到效果唔好,但影相既時候輕鬆既氣氛令到我地可以開開心心好似去玩咁就完成整個拍攝,效果都令我地好滿意。
 
整體黎講,SA 既職員都好有效率,我地影完相幾日就已經通知我地可以上去揀相了,揀完相大約兩個星期就已經完成修圖。

_________________________________