【香港】 Kimberly & Sam

1月份嘅時候就上咗去S.A Wedding 嘅studio, 當時工作人員好細心詳盡咁講解package 內包含嘅服務內容, 比起坊間, S.A Wedding 嘅package 包嘅服務較為全面。於是我地喺1月份嘅時候落咗訂。

3月嘅時候我地去咗S.A Wedding 嘅婚紗部 S.A Bridal 試身, 喺試身前一日, 工作人員會比定一系列嘅婚紗比新人揀定。

試身當日, 亦都會因應新人嘅喜好, 作出提議。

最後, 終於到咗影相當日。

負責幫我化妝嘅係Elke, Elke 喺影相日前一個星期就已經拎定我地嘅素顏相。影相當日亦都一邊幫我化妝, 一邊比意見我地點樣襯個妝髮 配件等等。

喺呢度要特別稱讚一下Elke 嘅化妝, 因為Elke幫我化嘅妝容, 係突顯晒我嘅優點出嚟, 亦都獲得身邊所有親戚朋友一致好評。

幫我地影相嘅係Max 同助手Frank, 當日我地同Max 嘅商討之後, 亦都更改咗拍攝地點, 影出嚟嘅效果都好好。Max 好有耐心咁指導我地嘅表情同姿勢, 令到輯相嘅效果好好。Frank 亦都好落力幫我地擺pops 同就位, 同埋打燈, 令到我地嘅夜景相效果都好靚。

我地由影相日同收到修圖當日相距都係一個月左右, 比起我地想像之中都快咗好多。

特別一提嘅係, S.A Wedding 喺落訂當日, 去到而家收圖都一直有個whatsapp group 同我地溝通, 無論我地有咩疑問都好快去解答我地。多謝S.A Wedding 比到一個令我地好滿意嘅pre-wedding 體驗。