【香港】 Ms Wong & Mr Chan

 

【香港】 Ms Wong & Mr Chan

2020 | Hong Kong Pre-wedding

韓國攝影師同翻譯好用心地帶動氣氛,慢慢我地先無咁緊張同放鬆心情影得好開心同投入

 
由開始經朋友介紹s.a.,係朋友親身分享嘅過程中得悉s.a.係一間好專業嘅韓國婚紗攝影公司,而當中韓式風格出嚟嘅效果我地都很喜歡,之後我地就透過whatsapp查詢負責的同事,佢哋好詳細地介紹不同的package及場景俾我地選擇及參考,亦都詳細標明內容絕無其他隱藏收費,之後我地就約好日子决定到佢地office落訂。開始我地選擇了廣州拍攝,但之後因應疫情關係,我地都非常之擔心會影響拍攝日子,但s.a同事係哩方面跟進得好好,亦都有不同嘅方案建議給我們(例如:改其他拍攝地方地點),經過了解之後到最後都改期留在香港拍攝由韓國攝影師進行拍攝。
 
拍攝當日早上就去到化妝場地,而化妝師亦早到場等候我地,由化妝開始就感受到化妝師好細心地幫我化咗個好韓式嘅粧容,之後亦好細心地建議不同嘅飾物給我地配襯,到開始拍攝我地都非常之緊張及笑容好生硬,但韓國攝影師同翻譯好用心地帶動氣氛,慢慢我地先無咁緊張同放鬆心情影得好開心同投入,再去到外景大熱天時又曬又熱,但成個拍攝過程包括安排及拍攝團隊都好用心好專業,真係辛苦曬佢地,過咗一個月後終於收到通知可以去揀相啦,成輯相影完出黎真係好韓式好鐘意,亦都在此分享下我們的成品。總括黎講成個拍攝過程我地都好愉快及滿意,s.a 是一間值得推介嘅婚紗攝影公司。

_________________________________