【香港】Miss Hui & Mr. Yick

 

【香港】Miss Hui & Mr. Yick

2020 | Hong Kong Pre-wedding

估唔到係香港影都可以咁有feel 咁韓式架

 

無諗過自己咁快影prewedding 仲要咁急,之前係youtube睇到小影去日本影 已經有留意S.A,一知道要影即刻去問下啲詳情先,但特殊關係冇得出國影 ,唯有留係香港。

S.A既同事一收到message 已經即刻開whatsappGroup 任問唔嬲,因為一直都冇諗住係香港影冇咩頭緒,但佢哋比左好多意見我,又唔會sell你買最貴既package 啱用夠用就得,所以決定左之後快快趣就比試衫期,因為我哋當初都勁趕 1月尾報 4月要用 真係辛苦晒佢哋安排。試衫個日 S.A 既Apple 同Gwen 比左好多意見我又幫手影相,佢哋仲興奮過我,好快就搞掂好選衫,解決到我呢啲有選擇困難症既人。

2月份影相既時候撞正疫情 幾驚韓國攝影師黎唔到,好彩一切順利。翻譯,化妝,攝影師團隊超級好人 好識搞氣氛,幫我們兩個解決鏡頭尷尬症,一路影都好關心我既狀態,驚我唔舒服會攰。化妝師既造型都好靚,幫我諗好哂髮型,飾物,出到黎好有氣質,好女神!當中去到最後一站,有小小暈車浪,嘔埋,攝影師冇黑臉,冇嫌棄,仲幫我善後,好感動。全日成10個鐘既攝影完左,非常多謝佢哋團隊既幫助同照顧。

收到相之後 好開心,諗住會唔靚,因為太急又有特殊情況,冇得瘦身,但原來一啲都唔會,啲場景好有意境,估唔到係香港影都可以咁有feel 咁韓式架!

當初一揀就揀S.A 一啲都冇做錯決定,我老公仲話等我修好身再搵佢哋去日本補影添!

_________________________________