【香港】 Miss Lam & Mr Tang
“最後一個外景因為普通車輛唔可以進入禁區，要另外call的士入，之後更加要行一段山路至可以到達海邊，非常感謝拍攝團隊嘅耐性同堅持，令到我哋影到一輯珍貴嘅回憶照片。”
因為鍾意韓系婚紗攝影，加上有朋友影過S.A. WEDDING，睇到成品同SAMPLE相真係唔錯，所以即刻就決定咗揀佢哋。一開始好快就有工作人員開個Whatsapp group，方便喺入面討論，效率好高，而且回覆得都好快。
因為疫情關係，原定2020年4月飛濟州影相，封關後一直延期，到2022年頭我哋決定轉返年尾喺香港影，過程溝通都好順利，職員都耐心回答我哋嘅要求同問題，令到我哋都放心。
到正式拍攝當日，化妝師Candy一早幫我化咗個靚妝同set靚頭，對於妝容我都好滿意。我哋首先喺Studio影先，一見面翻譯同事Elva同韓籍攝影師閔室長都好Hyper，充滿活力咁打招呼，令到本身對於影相有啲緊張嘅我哋都好快熟悉環境。Studio光線充足，而且道具亦有好多花款，同一位置唔同角度，都能夠影出唔同效果。經驗豐富嘅Elva同閔室長非常落力，逐個pose教我哋點擺，又提醒我哋笑、企位角度、幫手整理裙擺等等。
午飯後我哋出發去影外景，當日非常好天好太陽，辛苦晒大家曬住流住汗咁拍攝，連司機先生都好有禮同照顧我哋。最後一個外景因為普通車輛唔可以進入禁區，要另外call的士入，之後更加要行一段山路至可以到達海邊，非常感謝拍攝團隊嘅耐性同堅持，令到我哋影到一輯珍貴嘅回憶照片。
成個婚攝過程，由溝通、拍攝到最後揀相環節都好順利，再一次多謝S.A. WEDDING團隊，令客人得到開心同滿意嘅服務。
