【香港】Miss Yeung & Mr Lam

一開始見到sa wedding嘅韓風style已經好鐘意，佢地提供一站式服務，由揀衫、試衫、度身、揀外景場地，到當日影相、出外景，都有專人安排好晒，完全唔洗煩。SA wedding嘅工作人員非常有禮貌，回覆好快，亦非常耐心解答問題。

SA嘅婚紗全部都好新好靚，款式又多，定期又有新貨返，工作人員都好熱心拎啲新款比我試，好快就揀到我想要嘅婚紗。

攝影師份人又nice又funny，搞笑中教我地擺pose，令到成個氣氛冇咁緊張，出到黎個效果好自然。

好記得個日影pre wedding ,又凍又大風又落雨, 化妝師好細心，不停幫我補妝&set返好個頭。當日仲有個助手哥哥幫手，辛苦晒佢幫手拎野。

本身好想去舂坎角影海景，但系因為天氣唔好，地面又濕，驚有危險，所以冇去到，佢地唔想我失望，建議我影赤柱嘅海景，出黎嘅效果都好好，好多謝佢地。