【香港】Velda & Jason

本身好鍾意韓式簡約style，又想有studio又想有外景，尤其係去有回憶嘅地方 （好似HKU）！做完一大輪research，去咗幾次婚展，都係覺得SA wedding既studio係最靚, 再加上有朋友都搵咗呢間影prewedding好自然，所以最後揀左SA wedding影prewedding，整個過程到成品都好滿意。

決定係SA wedding影prewedding，揀好package之後，SA Wedding嘅staff就開咗個WhatsApp group，有佢哋好多唔同部門嘅同事係裏面，每次有問題係WhatsApp group一問就有人回覆，會令我哋好放心。正式影相前，我哋最記得係改衫既姨姨好專業, 好有心機幫我改到條裙fit身俾我。仲有佢地職員Kayi本身放假都係影相前一日幫我哋改影相流程，就係為咗我哋星期日可以去舂坎角影相又唔使花時間排隊。

影相當日，真係好幸運遇到Yannie做我嘅MUA，真係超滿意啲妝髮！我係平時唔化開妝嘅，對化妝完全冇idea，但係一化就啱我心水，特別係眼型嗰度，可以絕對放心交比佢，重點係又靚又舒服。佢仲會全程攞住個相機幫我哋影咗好多behind the scene，真係好有心。香港攝影師Max好專業又好有心機，其實事前好緊張唔知點影先好睇，但係攝影師Max好有耐性咁教我地擺pose，d相影得好自然我地好滿意，拍攝當日Max仲會周不時即刻比d相我地睇下鍾唔鍾意個style先繼續影，令我地兩個都好放心。仲要唔少得助手Ian，佢好好，快手得黎仲好有心機。成team人都好友善好有禮貌！！

嗰日我哋都好enjoy，玩得好開心。今日終於睇咗啲原相，真係無失望！好期待精修後嘅成品！