【濟州】

經朋友介紹已經知道SA Wedding好好，朋友大力推介給我同男朋友。之後睇到官網上嘅相都覺得係我地想要嘅style。所以我地冇考慮過其他選擇就已經直接選擇用SA Wedding😊

不論係一開始接待我地嘅Kayi定係後面幫我地跟進嘅後台同事們都非常之有效率👍🏻 每當我地有任何問題，不論夜晚或週末，都好回覆同解答我地。

去到濟州，SA幫我地安排嘅酒店都好近市區同埋好舒適。原本我哋好緊張嘅心情，當我地第二日見到翻譯小姐Jessica有善嘅笑容，即刻令到我地放鬆不少☺️ 之後去到揀衫嘅地方，揀衫嘅地方都非常之靚。而化妝師都好專業好快咁樣化到一個令我好滿意嘅妝🥰 去到揀婚紗嘅時候，店員都準備咗好多唔同嘅款式俾我哋揀，令到我地花多眼亂，但係佢地都會比到好多專業既意見我，令到嚴重選擇困難症嘅我揀到我心儀嘅款式。

而去到影相嘅環節嘅時候，攝影師哥哥都非常之專業，不停教我地擺pose，又不斷指導唔識笑嘅我哋點樣笑~”HEHEHE”/”HAHAHA”…😂 令到成個氣氛非常之輕鬆。而每影完一個地方都會俾我哋睇返佢影嘅相，問我哋有冇意見。另外助手小姐姐都非常之親切，我記得去到森林嘅景點嘅時候，佢都擔心我會仆親，時常扶住我；影相嘅時候又會幫我整理我啲頭髮。成個攝影嘅過程，全靠攝影師哥哥、翻譯小姐同埋助手小姐姐，我地先至可以咁順利影到輯靚相，成個過程非常之enjoy啊💕

最後收到修圖後嘅相，都覺得非常之靚同滿意😍 所以好期待成品啊！最後都非常之多謝成個SA Wedding嘅團隊令我地有個咁難忘又愉快嘅pre wedding體驗🥳🥳🥳